Ministè sante piblik ak Ministè ekonomi ak finans siyen yon pwotokòl akò jounen 24 septanm nan pou relokalize lopital jeneral.
Seremoni siyati akò sa a fèt nan « villa d’accueil » nan musseau nan prezans plizyè konseye prezidan ak divès pèsonalite kap travay nan domèn sante a.
Nimewo 1 MSPP a, Dokte Bertrand Sinal te pwofite salye volonte CPT a ak Primati pou ranfòse sistèm sante a nan peyi Dayiti.
Nan diskou li fè pou sikonstans lan, Konseye-Prezidan Leslie Voltaire felisite minis Sante a ak minis Finans lan pou lide relokalizyon pwovizwa Lopital jeneral la. Li twouve se yon bon mwayen pou li reponn ak ijans moman an nan lide pou bay sistèm sante a yon nouvo souf, pou asire byennèt popilasyon an, an atandan Lopital jeneral relouvri pòt li nan lokal abityèl li nan sant vil Pòtoprens.
