Gwoup konpa ayisyen Zafèm te genyen pri « Meyè Gwoup Konpa nan Ane a » pandan dezyèm edisyon Caribbean Music Awards 2024 la, ki te fèt jedi 29 out nan Kings Theatre, New York. Evenman prestijye sa a, òganize pa Caribbean Elite Group, te rasanble anpil talan enpòtan nan mizik Karayib la.
Seremoni an, ke chantez jamayiken Spice ak komedyen Majah Hype te anime, te yon gran siksè, men te manke pèfòmans gwoup Konpa yo, kontrèman ak ane pase.
Se te sèlman samdi 31 out, nan yon piblikasyon sou Instagram, yo te anonse viktwa Zafem la. Malerezman, okenn manm gwoup la pa t ka prezan pou resevwa twofe a akoz yon tounè yo t ap fè Ayiti.
Zafem te ranpòte pri a devan gwo non tankou Vayb, Kaï, Nu Look, T-Vice, ak Klass.
