Lapolis bay kèk enfòmasyon tou nèf nan dosye lanmò, ayè mèkredi 30 dawout la, polisye Nathanielle Médjine Michel.
Viktim nan, ki soti nan 28èm pwomosyon PNH la, te asasinen ak bal pandan li t ap ale nan pòs li nan Delmas 75. Moun ki te fè zak sa t ap sikile nan yon machin Toyota Land Cruiser.
Polis Delma te arete de sispèk nan zafè sa.
Se Jean Andersen Cantave, yon polisye UDMO/Lwès-I, ak madanm li Nathalie Michel, sè viktim nan.
Lapolis sispèk ke de moun sa yo enplike nan lanmò polisye a.
