Premye Minis Garry Conille eksprime tout emosyon li ak solidarite li pou viktim eksplozyon trajik yon kamyon sitèn nan Miragwàn ki touye anviwon 24 moun epi blese karant lòt. Pandan yon operasyon ijans, li te pran elikoptè Nasyonzini pou ede evakye kèk moun ki te blese grav nan lopital.
Chèf gouvènman an te anonse pandan vizit la ke leta ap achte pwòp elikoptè li byento pou ede nan sove lavi epi reponn rapidman nan ka ijans.
Pandan li t ap vizite lopital Sen Bonifas nan Fondèblan, Premye Minis la te felisite kouraj ak pwofesyonalis pèsonèl medikal la ki ap travay san pran souf pou pran swen moun ki boule yo epi sipòte fanmi viktim yo.
“Nan moman difisil sa yo, tout Ayisyen dwe mete tèt ansanm, fè solidarite,” li deklare, pandan li mande tout nasyon an pou yo rete ini devan trajedi sa a.
