Plis pase de mwa apre premye kontenjan polisye Kenyan rive Ayiti pou dirije yon fòs sekirite miltinasyonal ki finanse sitou pa Etazini, administrasyon Biden an ap chèche fason pou transfòme misyon sa a an yon operasyon lapè tradisyonèl Nasyonzini.
Daore Miami Herald, Depatman Deta a ap konsidere chanjman sa a akoz mank finansman ak ekipman, epi li deja fè palmantè ameriken yo konnen entansyon li yo.
Misyon Kenya a, ki gen baz li toupre ayewopò entènasyonal Toussaint Louverture nan Pòtoprens, ap fè fas ak difikilte pou atire kontribisyon volontè. Yon operasyon lapè tradisyonèl Nasyonzini ta ka rezoud pwoblèm finansman sa yo, paske li ta finanse atravè kontribisyon manm Nasyonzini yo. Li ta bay plis ekipman, tankou elikoptè, ak yon lopital ki ka fè operasyon chirijikal. Men, yon misyon lapè bezwen apwobasyon Konsèy Sekirite Nasyonzini, kote Lachin ak Larisi ka fè opozisyon.
Kenya gen anviwon 400 polisye sou plas, epi yo pral jwenn ranfòsman nan jou kap vini yo avèk 250 lòt sòlda ak polisye ki soti Jamayik. Misyon sa a ap dirije pa gouvenman Ayisyen an k ap eseye òganize eleksyon nan peyi a, men defi sekirite yo toujou rete yon gwo baryè.
