Apre yon vizit 12 jou ann Ayiti, espesyalis dwa moun Nasyonzini William O’Neill dekri yon tablo makawon.
Pandan yon konferans pou laprès nan Pòtoprens, li esplike sitiyasyon sekirite a rete pi enkyetan. Malgre yon anbago entènasyonal, zam ak minisyon kontinye antre ilegalman nan peyi a, sa ki pèmèt gang yo fè gwo atak epi pran plis kontwòl sou nouvo teritwa.
Espesyalis la vizite zòn Sid, tankou Okay ak Jeremi, kote l te wè efè vyolans gang yo sou zòn sa yo ki pa t afekte anvan. Enflasyon, mank nesesite esansyèl, ak deplasman popilasyon fè sitiyasyon an vin pi difisil, espesyalman pou fanm ak timoun ki pi vilnerab.
William O’Neill note mank kapasite Lapolis Nasyonal d Ayiti (PNH) nan konfwonte gang yo. Misyon miltinasyonal pou sipò sekirite a, ki Konsèy Sekirite Nasyonzini otorize an 2023, poko deplwaye tout twoup li yo. O’Neill denonse resous yo kòm ensifizan ak ekipman yo kòm pa adapte.
Anplis, vyolans seksyèl kontinye ogmante, gang yo sèvi ak li pou kontwole popilasyon an, pandan y ap eksplwate timoun pou mennen atak sou enstitisyon piblik yo.
