Claudia Sheinbaum se premye fanm ki prezidan nan listwa Meksik. Li te ofisyèlman pran pouvwa a madi 1ye oktòb 2024, apre Andres Manuel Lopez Obrador.
Ansyen majistra vil Meksiko a, Sheinbaum, genyen eleksyon prezidansyèl la avèk plis pase 60% vwa yo. Nan diskou li, li deklare: « Mwen se manman, grann, syantis, e kounye a, pa volonte pèp Meksik la, prezidant. » Li fè lwanj tout fanm meksikèn, byen konnen ak enkoni.
Li pwomèt gouvenman li ap garanti libète tout sitwayen yo, e l’ap kontinye devlopman sosyal ak ekonomik Meksik. Pandan l’ap abòde pwoblèm vyolans nan peyi a, Sheinbaum fè konnen li pral bay plis enpòtans nan fè ankèt ak amelyore sekirite nasyonal.
Avèk sa, li pwomèt pou gade enterè nasyon an pandan y’ap garanti sekirite envestisman etranje ak nasyonal yo.
