Palman Salvador ratifye, mèkredi 30 oktòb 2024, yon akò pou voye yon kontenjan militè nan kad Misyon Multinasyonal Sipò pou Sekirite (Mmas) an Ayiti, dapre sa ajans AlterPresse fè konnen.
Twoup salvadoryen yo pral gen pou fè evakyasyon medikal epi fasilite aksyon gouvènman an ak Lapolis Nasyonal d Ayiti (PNH), selon akò sa a ki te resevwa 57 vwa sou 60.
« Misyon an ap fonksyone dapre lwa entènasyonal yo, lwa lokal yo, ak dwa moun, ak angajman pou respekte règ sa yo nan tout operasyon li », dapre deklarasyon ki nan akò a.
Pou kounye a, yo pa konnen egzakteman konbyen sòlda ki pral fè pati kontenjan an, men yo di li ap rete an Ayiti pandan tout tan misyon an ap kontinye.
Salvador gen eksperyans nan konbat gang yo e depi leta dijans ki te kòmanse an mas 2022, yo arete 75,000 moun. Prezidan Nayib Bukele toujou defann metòd li yo malgre kritik òganizasyon dwa moun yo, mete aksan sou desant rate krim nan nan peyi a.
